محكمة
مين المذنب؟ · MegTech
سياسة الخصوصية
آخر تحديث: 5 نوفمبر 2026
باختصار
«محكمة» لعبة تحقيق جماعية. التطبيق مش بيجمع أي بيانات شخصية، ومفيش حسابات ولا إعلانات ولا تتبّع. اللي بيتصل بالإنترنت: فحص التحديثات، وتنزيل القضايا الجديدة، والإشعارات الاختيارية، ولوحة الشرف لو اخترت تنشر اسمك فيها، وإحصائيات مجهولة وتقارير أعطال تقنية تقدر تقفلهم من الإعدادات، والشراء من المتجر لو اشتريت (تفاصيلهم تحت).
إيه اللي بيتخزّن على جهازك؟
كل اللي تحت بيتخزّن على جهازك بس، ومبيتبعتش لأي مكان:
- إعدادات التطبيق: شكل التطبيق (داكن/فاتح)، الصوت والاهتزاز، نظام اللعب الافتراضي، وقت الاستجواب، الخط الأكبر، إبقاء الشاشة شغالة، القراءة الصوتية، واختيارك لتقارير الأعطال.
- كود الدعوة: كود عشوائي من 6 حروف بيتعمل على جهازك، وكود صاحبك لو كتبته، وهل القضايا الهدية اتفتحت. مفيش سيرفر بيتأكد منه، ومبيتبعتش لأي مكان غير لما إنت تشاركه بنفسك.
- المشتريات: لو اشتريت «ملف الشرطة الكامل»، جهازك بيفتكر إنك اشتريته علشان القضايا تفضل مفتوحة.
- القضايا اللي إنت بتضيفها بنفسك من «قضياك»، لو استخدمت الميزة دي.
- سجل الألعاب: بعد كل لعبة بيتحفظ ملخصها (اسم القضية، والتاريخ، وأسماء اللاعبين اللي كتبتوها وأدوارهم ونقطهم) لآخر 100 لعبة، علشان تشوف تاريخك وإحصائياتك وألقاب الشلة. تقدر تمسح لعبة واحدة أو السجل كله من شاشة «السجل».
- رتب المحققين: بتتحسب من سجل الألعاب ده على جهازك بس، ومبتتبعتش لأي مكان.
- تذكير «قضية اليوم»: لو شغّلته، الموبايل نفسه بيجدول إشعار محلي الساعة 8 بالليل. مفيش سيرفر.
- تحدي اليوم: نتيجتك في كل يوم (النقط والوقت وعدد الأسئلة والأدلة)، وإمتى فتحت تحدي النهارده، واسم اللوحة لو كتبته.
- تقييم القضايا: لو دوست إبهام فوق أو تحت بعد اللعبة، بيتحفظ عدد التقييمات لكل قضية على جهازك علشان تقرير التجارب.
- اللعبة اللي لسه ما خلصتش: علشان تكمّلوها بعدين، بيتحفظ على جهازك مكانها: القضية والأسماء والخطوة اللي وصلتوا لها. في اللعب على موبايل واحد بيتحفظ كمان توزيع الأدوار السرّي. بيتمسح لما اللعبة تخلص أو لما تدوس «امسح». في «فريق محققين» بيتحفظ القضية والأسماء والخطوة بس، من غير الأدلة.
أثناء اللعب، الأدوار السرّية والإجابات بتفضل في ذاكرة التطبيق (وفي اللعبة المحفوظة اللي فوق لو خرجتوا قبل ما تخلص).
كل البيانات دي بتتمسح لما تمسح التطبيق.
الأذونات
الكاميرا بس لما تدوس «امسح كود الغرفة» علشان تصوّر كود الغرفة من موبايل صاحبك؛ الصورة بتتقري على موبايلك ومبتتحفظش ومبتطلعش منه. التطبيق مبيطلبش ميكروفون ولا موقع ولا جهات اتصال ولا صور.
في وضع «على الشبكة» بس، iPhone بيسألك عن إذن «الشبكة المحلية»، وAndroid بيستخدم إذن الاتصال بالشبكة، علشان موبايلك يكلّم موبايلات أصحابك على نفس الـ Wi-Fi.
اللعب على الشبكة المحلية
- في وضع «على الشبكة» (واللعب «فريق محققين» على موبايلين) موبايلاتكم بتتبادل بيانات اللعبة (الأسماء والأدوار والأدلة والإجابات) مباشرة عبر الـ Wi-Fi اللي إنتوا عليه، من غير أي سيرفر وعلى غير الإنترنت.
- موبايل المضيف هو اللي بيشغّل اللعبة. وعلشان تقدروا تكمّلوا لو التطبيق اتقفل، المضيف بس بيحفظ على جهازه حالة الغرفة (القضية والأسماء والخطوة، وتوزيع الأدوار في اللعبة العادية). موبايلات الضيوف مبتحفظش حاجة.
- بيتمسح لما اللعبة تخلص أو لما المضيف يدوس «امسح».
- أي حد على نفس الشبكة ومعاه كود الغرفة يقدر يدخل الغرفة قبل ما تبدأ اللعبة، فشاركوا الكود مع أصحابكم بس.
- في «كل واحد على موبايله» موبايلك بيعرض كارت كل لاعب على صفحة على الـ Wi-Fi بتاعكم بلينك خاص بيه (كود QR)، والكارت بيتفتح على أول موبايل يفتحه بس. الصفحات دي بتتقفل لما الحكم يظهر أو تقفلوا اللعبة، ومفيش حاجة منها بتروح على الإنترنت.
القراءة الصوتية والسماعات
- لو شغّلت «قراءة صوتية للكروت»، محرك النطق اللي على جهازك هو اللي بينطق نص الكارت أو الدليل. التطبيق نفسه مبيسجّلش صوت ومبيبعتش النص لأي مكان. لو جهازك مظبوط على أصوات أونلاين، ممكن محرك النطق بتاعه يستخدم الإنترنت، وده خارج تحكّم التطبيق.
- في اختيار «مع السماعة»، التطبيق بيشوف هل في سماعة (سلك أو بلوتوث) موصّلة علشان يظهر زرار «اسمع». مبيقراش أسماء الأجهزة ومبيخزّنش حاجة عنها.
النسخ والمشاركة
- «نسخ النتيجة» و«نسخ نموذج القضية» بينسخوا نص للحافظة (clipboard) لما تدوس عليهم بس.
- «مشاركة» (النتيجة، أو قضية كتبتها بنفسك، أو التطبيق) بتفتح قائمة المشاركة الخاصة بجهازك، وإنت اللي بتختار هتبعت لمين. محتوى المشاركة بيروح للتطبيق اللي اخترته، ومنقدرش نشوفه.
- «الصق قضية» بتقرا من الحافظة لما تدوس عليها بس.
- «اقترح قضية» بتفتح واتساب برسالة فيها فكرتك (واسمك وحسابك لو كتبتهم علشان نكتب اسمك على القضية). التطبيق نفسه مبيبعتش ولا بيحفظ حاجة، وإنت اللي بتدوس إرسال في واتساب.
التحديثات والإشعارات والإحصائيات وتقارير الأعطال (Firebase)
بنستخدم خدمات من Google Firebase، ومفيش فيهم إعلانات ولا حسابات:
- فحص التحديثات (Remote Config): التطبيق بيسأل Firebase عن أحدث إصدار علشان ينبّهك لو في تحديث. Firebase بيستخدم معرّف تثبيت مجهول للتطبيق (مش مربوط باسمك ولا رقمك) وعنوان الـ IP لتنفيذ الطلب.
- الإشعارات (Cloud Messaging) — اختيارية ومقفولة افتراضيًا: مش بيحصل أي حاجة غير لما تفتح «الإشعارات» وتشغّل الزرار وتوافق على إذن الإشعارات. ساعتها Firebase بيدّي جهازك رمز إشعارات (token) مجهول علشان نبعتلك إشعارات القضايا الجديدة. مبنربطش الرمز بأي بيانات عنك. تقدر تقفلها في أي وقت من نفس الشاشة أو من إعدادات الموبايل.
- إحصائيات مجهولة (Analytics) — تقدر تقفلها من الإعدادات: بنعدّ إزاي التطبيق بيتستخدم علشان نحسّنه: أنهي شاشة اتفتحت، وأنهي زرار اتداس (باسم ثابت للزرار، مش النص اللي عليه)، وخطوات اللعب (زي «فتح دليل» أو «اتهام»)، ورقم القضية، وهل الحل بالصوت اتسمع لآخره، وإجابتك على «عرفت محكمة منين؟» لو جاوبت. مبنبعتش أسماء اللاعبين ولا نص القضايا ولا الأسرار ولا أي حاجة بتكتبها. معرّف الإعلانات (Advertising ID / IDFA) مقفول، ومفيش تخصيص إعلانات ولا تتبّع بين التطبيقات. Firebase بيستخدم معرّف تثبيت مجهول وعنوان الـ IP لتجميع الأرقام. لو قفلت «إحصائيات مجهولة» مفيش حاجة بتتبعت.
- الإشعارات اللي بتوصلك بيتحفظ نصها على جهازك بس علشان تشوفها في شاشة «الإشعارات».
- تقارير الأعطال (Crashlytics) — شغالة افتراضيًا وتقدر تقفلها: لو التطبيق وقع، بيتبعت تقرير تقني علشان نصلّح المشكلة: مكان العطل في الكود، نوع الجهاز ونظامه، إصدار التطبيق، ومعرّف تثبيت مجهول. التقرير مفيهوش أسماء اللاعبين ولا القضايا ولا الأدوار. تقدر تقفلها في أي وقت من الإعدادات («تقارير الأعطال»)، وساعتها التقارير اللي لسه ما اتبعتتش بتتمسح ومفيش جديد بيتبعت.
تحدي اليوم ولوحة الشرف (Firebase)
- تحدي اليوم نفسه بيتلعب على جهازك من غير نت.
- لوحة الشرف اختيارية: مفيش حاجة بتطلع من جهازك غير لما تكتب اسم للوحة وتدوس «انشر». بعد كده نتايج الأيام الجاية بتتنشر لوحدها بنفس الاسم.
- اللي بيتبعت: الاسم اللي إنت اخترته للوحة (مش لازم يكون اسمك الحقيقي)، ونتيجة اليوم (النقط، صح ولا غلط، عدد الأسئلة والأدلة، والوقت)، ورقم القضية. والاسم ومجموع نقطك بيظهروا لكل اللاعبين في اللوحة.
- علشان كل لاعب ينشر مرة واحدة في اليوم، بنستخدم تسجيل دخول مجهول من Firebase Authentication: معرّف عشوائي لجهازك من غير إيميل ولا رقم ولا اسم حقيقي. البيانات بتتخزن على Cloud Firestore (Google).
- لو عايز تمسح اسمك ونتايجك من اللوحة، ابعتلنا على الإيميل اللي تحت باسم اللوحة.
القضايا الجديدة من الإنترنت
لما يكون فيه نت، التطبيق بينزّل ملفات القضايا الجديدة من موقعنا على Firebase Hosting (طلب عادي لملف، زي فتح صفحة ويب: السيرفر بيشوف عنوان الـ IP علشان يرد بس). مفيش أي بيانات عنك أو عن ألعابك بتتبعت. القضايا اللي بتنزل بتتحفظ على جهازك، علشان تلعبها بعد كده من غير نت.
الشراء من المتجر
لو اشتريت حاجة جوه التطبيق، الدفع كله بيتم عن طريق Google Play أو App Store بحسابك عندهم. إحنا مبنشوفش بيانات الدفع؛ التطبيق بيعرف بس إن الشراء نجح علشان يفتح القضايا.
أطراف ثالثة
التطبيق مفيهوش أي SDK لإعلانات أو تتبع. الأطراف الوحيدة هي خدمات Google Firebase المذكورة فوق (Remote Config وCloud Messaging وAnalytics من غير معرّف الإعلانات وCrashlytics وHosting، وAuthentication المجهول وCloud Firestore للوحة الشرف لو نشرت فيها)، ومتجر Google Play أو App Store لو اشتريت.
الأطفال
مبنجمعش بيانات شخصية من أي حد، ومنهم الأطفال (اسم لوحة الشرف بيختاره اللاعب ومش لازم يكون اسمه)؛ الإحصائيات المجهولة مفيهاش أي بيانات تعرّف الشخص. القضايا خيالية ومفيهاش عنف مصوّر.
YouTube channel & YouTube API Services
Our YouTube channel @mahkama01 is run by MegTech. We use a private tool, «Mahkama Channel Uploader», that uses YouTube API Services to upload our own videos to our own channel, add a comment to them and reply to comments on them. It is used only by the channel owner; no viewer or other user signs in to it.
- By using our channel or this tool you also agree to the YouTube Terms of Service. YouTube is run by Google: see the Google Privacy Policy.
- What the tool accesses: only our own channel, through our own Google account (OAuth): the list of our own uploads (to avoid uploading twice) and the public comments on our own videos (to reply to them).
- What we store or share: nothing. The tool keeps no YouTube data, no viewer data and no comments; it does not sell, share or use YouTube data for advertising. Comment authors' public names are only shown to us at the moment we reply.
- Revoking access and deletion: the channel owner can remove the tool's access at any time from Google security settings. Since nothing is stored, there is nothing left to delete; to have a comment reply removed, contact us at the e-mail below.
التغييرات
لو أضفنا ميزات أونلاين أو حسابات أو جمع بيانات مستقبلًا، هنحدّث السياسة دي ونعرضها جوّه التطبيق قبل ما الميزات تشتغل.
التواصل
لأي سؤال عن الخصوصية: mohammedmagdy823@gmail.com